Human Rights Watch իրավապաշտպան կազմակերպութիւնը անդրադարձեր է Ատրպէյջանի զինուած ուժերու կողմէ Արցախի մէջ քաղաքացիական ազգաբնակչութեան դէմ կիրառած բռնութեան  շարք մը դէպքերու:

Կազմակերպութիւնը փաստագրեր է բռնութեան կիրառման մի քանի դէպքեր, երբ խոշտանգումներու եւ անմարդկային վերաբերմունքի զոհ դարձեր են ազգութեամբ հայ քաղաքացիական անձեր: Երկու անձեր մահացեր են ատրպէյջանական գերութեան մէջ, նշած է Human Rights Watch-ը: 

Իրավապաշտպան կազմակերպութիւնը կը յայտնէ, որ Ժնեւեան չորրորդ կոնվենցիայի համաձայն նախատեսուած է պաշտպանութիւն քաղաքացիական անձերու համար միջազգային զինուած ընդհարման ընթացքին: Պաշտպանուած անձի անօրինական գերեւարումը Ժնեւեան կոնվենցիայի լուրջ խախտում է եւ պատերազմական հանցագործութիւն, նշուած է զեկոյցին մէջ:

Պաշտպանուած անձերու դիտաւորեալ սպանութիւնն ու անոնց նկատմամբ դաժան վերաբերմունքը, որը հաստատուեր է վերոյիշեալ դէպքերու առնչութեամբ, միջազգային մարդասիրական օրենսդրութեան համաձայն եւս ռազմական հանցագործութիւններ են, կ՛ըսուի զեկոյցին մէջ: