Լոս Անջելեսի քաղաքային խորհուրդը միաձայն ընդուներ է բանաձեւ, որտեղ իր աջակցութիւնն կը յայտնէ Արցախի Հանրապետութեան բնակչությանը: Ինչպէս կը հաղորդէ «Արմենփրես»-ը՝ վկայակոչելով Massis Post-ը, բանաձեւը ներկայացուցած են խորհուրդի անդամներ Փոլ Կրեկորեանն ու Միտչ Օ՛Ֆարելը:

Բանաձեւին մէջ նշուած է, որ Լոս Անջելես քաղաքը մշտապէս աջակցեր է Արցախի բնակչութեանը, որոնք «էթնիկ եւ մշակութային տեսանկիւնէն հայեր են եւ բնիկ են տուեալ տարածաշրջանին մէջ եւ որոնք համարձակօրէն իրենց անկախութիւնը հռչակեցին Խորհրդային Միութիւնէն եւ Ատրպէյջանի Խորհրդային Հանրապետութիւնէն շուրջ 30 տարի առաջ ու անկէ ետք ժողովրդավարական ինքնակառավարում  կիրականացնէին»:

Բանաձեւն անդրադարձ կատարած է 2020 թուականի Սեպտեմբերին ատրպէյջանական կողմէ սանձազերծած պատերազմին՝ նշելով որ Ատրպէյջանական ագրեսիայի  նպատակն էր ոչնչացնել եւ էթնիկ զտման ենթարկել բնիկ հայ բնակչութեանը ու ուժի միջոցով նուաճել Արցախի անկախ Հանրապետութիւնը:

«Այս բանաձեւի ընդունմամբ՝ Լոս Անջելես քաղաքը կը յարգէ եւ կը սգէ այս հարձակմանը զոհ դարձած հազարաւոր անձերու մահը եւ 2020 թուականի Նոյեմբերի 9-ը կը հռչակէ Արցախի Հանրապետութեան դէմ Ատրպէյջանի ագրեսիայի յիշատակի եւ ոգեկոչման օր»,- կ՛ըսուի բանաձեւին մէջ:

Քաղաքային խորհուրդի անդամները որոշած են՝ քանի որ Շուշի քաղաքն այժմ անօրինական կերպով կը վերահսկուի Ատրպէյջանի կողմէ, իրենք ժամանակաւոր կասեցուցած են Շուշիի հետ «բարեկամ քաղաք»-ի կարգավիճակը: Անոնք խոստացեր են վերականգնել կարգավիճակը, երբ քաղաքը կրկին ազատ կըլլայ ատրպէյջանական նուաճումէն։