Ատրպէյջանական ուժերը բռնութեան ենթարկեր են 2020 թուականի Արցախեան ռազմական գործողութիւններու հետեւանքով գերութեան մէջ յայտնուած հայ ռազմագերիներուն՝ անոնց խոշտանգումներու ենթարկելով ինչպէս գերեվարելու պահին, այնպէս ալ տեղափոխելու կամ քննչական մեկուսարաններուն մէջ պահելու ժամանակ։ Ինչպէս կը հաղորդէ «Արմենփրես»-ը, այս մասին կ՛ըսուի միջազգային իրավապաշտպան Human Rights Watch կազմակերպութեան յայտարարութեան մէջ:

Human Rights Watch-ի՝ Եւրոպայի եւ Կենտրոնական Ասիայի տնօրեն Հիու Ուիլիամսոնը նշած է. «Ձերբակալուած հայ զինուորներու նկատմամբ դաժան վերաբերմունքը, ինչպէս նաեւ խոշտանգումները նողկալի են ռւ կը համարուին պատերազմական հանցագործութիւն»: Ան ընդգծեր է, որ նմանօրինակ պատերազմական հանցանքները պէտք է անհապաղ պատասխանատուութեան ենթարկուին:

Կազմակերպութիւնը զրուցած է նաեւ 4 նախկին ռազմագերիներու հետ, որոնք մանրամասն նկարագրեր են իրենց եւ այլ ռազմագերիներու նկատմամբ վատ վերաբերմունքի դրսեւորումները։