Թոկիոյ-2020 Օլիմպիական խաղերու ուղեգիր նուաճած Վազգեն Թեւանեանը (65 կգ) առիթ չի տուաւ ատրպէյջանցի Հաջի Ալիեւին եւ նուաճեց Հունգարիայի մայրաքաղաք Պուտապեշտի մէջ անցկացուող ազատ ոճի ըմբշամարտի եւրոպական գոտիի օլիմպիական վարկանիշային մրցաշարի յաղթողի կոչումը:

Եզրափակիչին Հայաստանի ներկայացուցիչը 9:0 հաշիւով վստահ յաղթանակ տարաւ Ռիո-2016 Օլիմպիական խաղերու պրոնզէ մետալակիր, աշխարհի եւ Եւրոպայի եռակի չեմպիոն Հաջի Ալիեւի նկատմամբ:

2020թ. աշխարհի գաւաթի յաղթող Վազգեն Թեւանեանը պայքարը սկսած էր որակաւորման փուլէն, որտեղ ժամանակէն շուտ 11։0 հաիւով պարտութեան մատնեց Պուլղարացի Վլատիմիր Տուպովին:

⅛   եզրափակիչին պարտութեան մատնեց Պելառուսի ներկայացուցիչ Նիուրգուն Սկրիապինի 7։5 հաշիւով։ Քառորդ եզրափակիչին Հայաստանի ներկայացուցիչը 6։4 հաշիւով առաւելութեան հասած էր Ռիո-2016 Օլիմպիական խաղերու չեմպիոն, վրացի Վլատիմիր Խանչեգաշվիլիի նկատմամբ, իսկ կիսաեզրափակիչոժին զօրաւոր գտնուած էր Լեհաստանը ներկայացնող 33-ամեայ Մագամետմուրատ Գաջիեւէն:

Արեւմտեան Հայաստանը կը շնորհաւորէ Վազգեն Թեւանեանին եւ կը մաղթէ նորանոր յաղթանակներ ի փառս Հայաստանի եւ հայութեան։