Արցախի Հանրապետութեան արտաքին գործերու նախարարութիւնը յայտարարութիւն տարածած է  Շուշիի հայ բնակչութեան ջարդերու տարելիցի կապակցութեամբ.

«101 տարի առաջ այս օրը Ատրպէյջանի Հանրապետութեան իշխանութիւնները, թուրքական կանոնաւոր բանակի եւ բազմաթիւ զինուած աւազակախումբերու հետ համագործակցութեամբ, կազմակերպեցին Շուշիի հայ ազգաբնակչութեան կոտորածը՝ գրեթէ հիմնովին աւիրելով Արցախի պատմական մայրաքաղաքը: Շուշիի ցեղասպանութիւնը արհեստականօրէն ստեղծուած «Ատրպէյջան» կոչուող պետութեան՝ Արցախի նկատմամբ զաւթողական քաղաքականութեան առաջին դրսեւորումն էր: Այդ հրեշաւոր հանցագործութեան արդիւնքին հազարաւոր հայեր սպաննուեցան, տասնեակ հազարաւորներ ստիպուած եղան լքել քաղաքը, ոչնչացուցին հայկական մշակութային ժառանգութիւնը, թալանեցին մարդկանց ունեցուածքը, պղծուեցան սրբավայրերը:

Այս ողբերգական իրադարձութիւնն ազդակն էր այն քաղաքականութեան, որն Ատրպէյջանը պէտք է որդեգրեր յետագայ տասնամեակներու համար:

Այն հանգամանքը, որ Պաքուի եւ Անկարայի ցեղասպան քաղաքականութիւնն չարժանացաւ միջազգային հանրութեան համարժէք գնահատականին, իսկ ոճրագործները մնացին անպատիժ, պատճառ դարձաւ, որ Ատրպէյջանը, Թուրքիայի աջակցութեամբ եւ միջազգային ահաբեկիչներու ներգրաւմամբ, 2020 թ. Սեպտեմբերի 27-ին նոր ագրեսիա սանձազերծէ Արցախի դէմ՝ դաւադրաբար տիրանալով հայոց բերդաքաղաք Շուշիին։

Արցախահայութիւնը երբեք չի հաշտուիր Շուշիի կորուստի հետ։ Շուշին եղած է, կայ եւ կը մնայ Արցախի անբաժան մասը։ Առաւելագոյն ջանքը կը կատարեն  Արցախի գրաւեալ տարածքներու դեօկուպացիայի եւ պատմական արդարութեան վերականգնման համար»: