Մարտի 21-ին ռուսական օդուժը հարուած  հասցուցեր է Սուրիայի հիւսիսին գտնուող Իտլիպ նահանգի մէջ գործող թուրքամետ խմբաւորումներու զինիալներու տեղակայման վայրերուն։

Reuters գործակալութեան տեղեկութիւններով՝ ռուսական օդանաւներու հիմնական թիրախը սահմանին գտնուող Պապ-ալ-Հաուայի շրջանն էր։

Թուրքիայի հովանաւորութիւնը վայելող «Սուրիական ազգային բանակ» խմբաւորման տուեալներով՝ կիրակի երեկոյեան ռուսական կողմը բալիստիկ հրթիռներով հարուածներ  հասցուցեր է նաեւ սահմանի անմիջական հարեւանութեամբ գտնուող Քահ քաղաքին մէջ տեղակայուած փախստականներու ճամբարին հարող տարածքներուն։

Սուրիայի հիւսիսին մէջ փրկարարական աշխատանքներ իրականացնող «Սպիտակ սաղավարտներ» կազմակերպութեան ներկայացուցիչները կը պնդեն, որ ռուսական օդուժը ռմբակոծեր է նաեւ Սարմադա քաղաքի հարեւանութեամբ գտնուող գազի պահեստարանը։