Հայ գործարար եւ մեծ բարեգործ Գալուստ Սարգիսի Կիւլբենկեանը ծնած է 1869թ․-ի Մարտ 23-ին՝ Կոստանդնուպոլիսի մէջ։ Ան մեծ դեր ունեցած է Միջին Արեւելքի նաւթի պաշարները Արեւմուտքի շահագործմանն հասանելի դարձնելու համար։ Գալուստ Կիւլբենկեանը ընտրած է նաւթագէտ-հանքաբանի մասնագիտութիւնը։ Ան կրթութիւն ստանալով Եւրոպական յայտնի համալսարաններէն ներս՝ տիրապետած է ութ լեզու։ Դեռ 1860 թուականին՝ Գալուստի հայր Սարգիս Կիւլբենկեանը աշխոյժ մասնակցութիւն ունեցած է նաւթարդիւնաբերութեան ոլորտէն ներս, ան քանի մը նաւթային ընկերութիւններու սեփականատէր դարձած է Կովկասի մէջ, յատկապէս Պաքուի, իսկ 1880 թուականէն ան ներկայացուցած է Ալեքսանտր Մանթաշեւի միջազգային կազմակերպութիւնը Օսմանեան կայսրութեան մէջ։ 1915 թուականի ցեղասպանութիւնէն ետք՝ Միջագետքի մէջ տարածքներ ձեռք բերած է փախստականներուն ապաստան տալու համար։ Առաջին համաշխարհային պատերազմին ժամանակ, Կիւլբենկեանը ստեղծեր է Նաւթային գլխաւոր կոմիտէ։ Ան նաւթային հողատարծքներ ունեցած է Վենեսուելլայի, Իրանի, Իրաքի, Սէուտական Արապիայի, Միացեալ Արաբական Էմիրութիւններու մէջ,  ծանօթ եղած է սուլթանական եւ պարսկական արքունիքիներու օրինական ու ոչ օրինական ելումուտին։ Ան իր ձեռքին պահած է խոշոր նաւթային ընկերութիւններու լծակները։ Ան տնօրինած է արուեստի արժէքաւոր հաւաքածու մը,  որտեղ գտած են շուրջ 6․000 բնօրինակ նմուշներ։ 1920 թուականէն մինչեւ 1940 թուականը՝ ան իր հովանիին տակ վերցուցած էր Թիւրքիոյ, Սուրիոյ, Լիբանանի, Յորդանանի եւ Իրաքի հայկական դպրոցներն ու բժշկական կեդրոնները, ձեռնարկած է Միջին Արեւելքի բազմաթիւ եկեղեցիներու կառուցումը։ 1936 թ.-ին Կիւլբենկեանը 400 հազար դոլարի օգնութիւն տուած է Մայր Աթոռ Սուրբ Էջմիածինին։ Գալուստ Կիւլբենկեանը մահացած է 1955 թ.-ի Յուլիս 20-ին, 86 տարեկան հասակին՝ Լիսպոնի մէջ: Անոր մարմինը հողին յանձնուած է Լոնտոնի Սուրբ Սարգիս եկեղեցիի տարածքին: