Արեւմտեան Հայաստանի Կեսարիայի մէջ գանձախոյզները թալաներ են 1700 մ բարձրութեան վրայ գտնուող Յըլանլի լեռան ստորգետնեայ կառոյցները: Դամբարանային սրահներ մտած գանձագողերը չի բաւարարուելով, անկարգութիւններ կատարած են ստորգետնեայ սրահին մէջ, որը դարեր առաջ օգտագործուած է որպէս ապաստան: Ստորգետնեայ սրահին մէջ յայտնաբերուեր են ալգոհոլային խմիչքներու շիշեր, բազմաթիւ ներքնազգեստներ եւ կանացի կոշիկներ:

Դարեր առաջ այդ ապաստարանները կառուցուեր են գետնի տակ, հատուկ շաղախով՝ հարձակումներէն պաշտպանուելու համար։ Անոնց մուտք հասնելու համար գանձ որոնողները փորեր են լեռան տարբեր հատուածներ: Հիմնականը քանդելով մտած են  դամբարաններ, որու հետեւանքով կառոյցները կը վնասուին անձրեւէն եւ ձիւնէն: Իրենց նպատակին հասնելու համար գանձ որոնողները նոյնիսկ չեն խնայած 1400 տարեկան թութի ծառերը: