Հայաստանի մէջ բարձր տեխնոլոգիաներու ոլորտը յառաջիկայ 5 տարիներու ընթացքին առնուազն 20,000 նոր մասնագետներու կարիք կունենայ։ «Արմենփրես»-ի հաղորդմամբ, այս մասին «Ֆեյսբուք» սոցիալական ցանցի իր էջին նշած է ՀՀ բարձր տեխնոլոգիական արդիւնաբերութեան նախարար Հակոբ Արշակեանը:

«Ինչպէս գիտեք 2018 եւ 2019 թ. ոլորտի աճը կազմած է աւելի քան 30%, իսկ 2020 թ., ճգնաժամի պայմաններուն՝ աւելի քան 20%։ Կանխատեսման հիմքը դրուած է այն ենթադրութիւնը, որ ոլորտի աճն յառաջիկայ տարիներուն կը կազմէ առնուազն 20%, իսկ աշխատատեղերու աճը՝ 15% (հաշուի  առնուած է աշխատավարձերու հնարաւոր աճը): Այս թիւերուն նայելով՝ եւս մէկ անգամ կը ցանկանամ ոգեւորել եւ կոչ ուղղել մեր քաղաքացիներուն ընտրել կրթութեան յատկապէս բնագիտական ուղղութիւնները, իսկ մասնագետներուն՝ ստանալ հաւելեալ գիտելիքներ տեխնոլոգիական ոլորտի մէջ՝ մասնակցելով ՀՀ բարձր տեխնոլոգիական արդիւնաբերութեան նախարարութիւն ծրագիրներուն եւ այլ կրթական/վերապատրաստման նախագիծերուն»,-նշած է նախարարը: