Արեւմտեան Հայաստանի Կարինի, Երզնկայի եւ Աղրըի՝ թիւով 12 ջրամբարներուն մէջ ջուրի մակարդակը բաւարար է, եւ յառաջիկայ ժամանակահատուածը խմելու, ոռոգման եւ էներգիայի ոլորտներու մէջ խնդիրներ չեն սպասուիր:

Թէ եւ վերոնշեալ ջրամբարներու մեծ մասը կը ծառայէ ոռոգման համար, անոնք նաեւ աշխոյժ դեր կը խաղան խմելու ջուրի եւ հիդրոէլեկտրական էներգիայի արտադրութեան մէջ:

Նշելով, որ տարածաշրջանի մէջ ձիւնի տեղումները կը շարունակուին, Կարինի ջրային տնտեսութեան տնօրենը յայտարարած է, որ Կարինի, Երզնկայի ու Աղրըի մէջ 12 ջրամբարներու ջուրի մակարդակը 24 ժամ կը վերահսկուի: Ըստ անոր՝ ամբարտակներու մէջ ջուրի քանակը հիմնականը բաւարար է ինչպէս ոռոգման, այնպէս ալ խմելու ջուրի տեսանկիւնէն: Այս տարի ջուրի պակաս չի սպասուիր: Բոլոր պահեստարաններու ջուրի մակարդակները, ինչպիսին են շահագործուող ամբարտակները եւ լճակները, կը պահպանուին թոյլատրելիութեան մակարդակը, յատկապէս գարնան շրջանը: