Հայաստանի Հանրապետութեան վարչապետ Նիկոլ Փաշինեանը հեռախօսազրոյց ունեցեր է Ռուսաստանի Դաշնութեան նախագահ Վլատիմիր Բութինի հետ: Ինչպէս կը տեղեկացնէ «Արմենփրես»-ը, այս մասին հաղորդագրութիւն տարածեր է Կրեմլի մամուլի ծառայութիւնը:

«Արցախի շուրջ ստեղծուած իրավիճակը քննարկելու ժամանակ գոհունակութեամբ արձանագրուեր է, որ իրավիճակը տարածաշրջանի մէջ կայունացած է եւ  ընդհանուր առմամբ հանգիստ է։ Միտքեր փոխանակած են երկկողմ համագործակցութեան արդիական հարցերու շուրջ ՝ շեշտադրելով էներգետիկա ոլորտը եւ կորոնավարակի դէմ պայքարը»,- նշուած է հաղորդագրութեան մէջ:

Նշուած է, որ հեռախօսազրոյցը տեղի ունեցեր է հայկական կողմի նախաձեռնութեամբ: