Սիրելի հայրենակիցներ, Մարտի 27-ին Հայաստանի ճարտարապետներու միութեան դահլիճին մէջ տեղի ունեցաւ Սամուել Կարապետեանին նուիրուած յուշ-երեկոն:

Յուշ-երեկոն կազմակերպած էին Սամուել Կարապետեանի գործընկերները՝ Հայկական ճարտարապետութիւնն ուսումնասիրող հիմնադրամի աշխատակիցները։ 

 Սիրուած մտաւորականին ու անոր վառ յիշատակին յարգանքի տուրք մատուցելու համար հաւաքուած էին տարբեր սերունդներու ու մասնագիտութիւններու ներկայացուցիչներ: 

Միջոցառումը սկսաւ ՀՃՈՒ հիմնադրամի կողմէ նկարահանուած տեսաֆիլմի ցուցադրութեամբ:

Ֆիլմին մէջ ներկայացուած էր սիրուած մտաւորականի կեանքին ու գործունէութեանը վերաբերուող կադրեր:

Յուշ-երեկոյի ընթացքին բոլորը մէկ վարկեան լռութեամբ յարգեցին Արցախեան 44 օրեայ պատերազմի նահատակ հերոսներու ու Սամուել Կարապետեանի յիշատակը:

Միջոցառումը կը վարէր գրող ու հրապարակախօս Արթուր Անդրանիկեանը:

 Սամուել Կարապետեանի մասին իրենց յուշերը պատմեցին ՀՀ վաստակաւոր ճարտարապետ Մկրտիչ Մինասեանը, ՀՀ վաստակաւոր ճարտարապետ Նարեկ Սարգսեանը, աշխարհագրագետ ու քարտեզագետ Ռուբեն Գալչեանը,«Կարին» աւանդական երգի-պարի խումբի հիմնադիր եւ գեղարուեստական ղեկավար Գագիկ Գինոսեանն, իսկ տեսաուղերձով հանդէս եկաւ հիմնադրամի հոգաբարձուներու խորհուրդի նախագահ, ԱՄՆ-ի մասնաճիւղի ղեկավար Ժորա Մանուչարեանը:

Իւրաքանչիւր ելոյթ ունեցողի կազմակերպիչները կը նուիրէին Սամուել Կարապետեանի հոր՝ Գեւորգ Կարապետեանի ծննդեան 80 ամեակին նուիրուած երկերու երկհատորեակը, որը Հայկական Ճարտարապետութիւնն Ուսումնասիրող Հիմնադրամն  հրատարակեր է, ինչպէս նաեւ նոյն կազմակերպութեան «Վարձք» ամսագիրի հերթական համարէն:

Նշենք, որ այստեղ բացի ելոյթներէն ցուցադրուած էին Սամուել Կարապետեանի աշխատանքային իրերը:

Վերջաւորութեան ելոյթ ունեցաւ Հայկական Ճարտարապետութիւնն Ուսումնասիրող Հիմնադրամի տնօրեն, պատմաբան Սամուել Կարապետեանի այրին՝ Էմմա Աբրահամեանն, ով նշեց, որ արդեն մէկ տարի մէկ ամիս է, որ սիրուած մտաւորականը մեր կողքին չէ, սակայն բոլորը կը շարունակեն աշխատիլ նոյն ոգիով,վառ պահելով անոր յիշատակն ու շարունակելով անոր կիսատ թողած գործը: