Շուտով Հայաստան եւ Արցախ կայցել է ֆրանսիացի խորհրդարանականներու պատուիրակութիւնը՝ Ֆրանսիա-Արցախ բարեկամութեան շրջանակի նախագահ,  Բուշ-դիու-Դոնի պատգամաւոր Գի Տեսիէի գլխաւորութեամբ։ Ինչպէս «Արմենփրես»-ը տեղեկացաւ Արցախի Հանրապետութեան Ազգային ժողովի լրատուութեան եւ հանրութեան հետ կապերու բաժինէն, այս մասին Գի Տեսիէն յայտնած է Արցախի ԱԺ նախագահ Արթուր Թովմասեանին հղած նամակին, որով ան ԱՀ ԱԺ նախագահին շնորհակալութիւն  յայտնած է Ֆրանկոֆոնիայի միջազգային օրուայ շնորհաւորական ուղերձի համար։