Ցաւօվ կը տեղեկացնենք որ, Երեւանի մէջ  կեանքէն հեռացեր է «Հայ Սեւ գոտիներ» միութեան հիմնադիր եւ տնօրեն, Լիբանանի մէջ Արցախի պատուաւոր հիւպատոս, Քոնկ-ֆույի  Ֆետերացիայի Միջին Արեւելքի ներկայացուցիչ, Մեծ Վարպետ Կարօ Քէպապճեանը(Մասթեր Կարօն)։

Նշենք, որ Մասթըր Կարօյի առողջական վիճակը վերջին օրերուն կտրուկ վատթարացած էր «Covid» վարակի հետեւանքով։

Հսկայական է Կարօ Քէպապճեանի աւանդը երիտասարդներու կրթման եւ ֆիզիկական դաստիրակութեան գործին՝ թէ Լիբանանի, թէ Արցախի թէ Հայաստանի մէջ։

Արեւմտեան Հայաստանի Հանրապետութեան Նախագահ Արմենակ Աբրահամեանը իր ցաւակցութիւնն կը յայտնէ իր ուսուցչի ընտանիքին, հարազատներուն, ընկերներուն։

Իր խօսքին մէջ Նախագահ Աբրահամեանը յիշեց Մեծ Վարպետի հետ իրենց անցած ճանապարհը՝ սկսած 1970 ական թուականներէն․

«Կարօ  Քէպապճեանը կանգնած էր Հայաստանի զինուած ուժերու ստեղծման ակունքին, եւ իր ամբողջ գիտակցական կեանքի ընթացքին անմնացորդ նուիրուած է հայութեան իրավունքերու պաշտպանութեանը։

Կրթած եւ մարզած է հայկական զինուած կազմակեպութիւններու մի քանի սերունդներ։

Հատկապէս կարեւորած է Արեւմտեան Հայաստանի Զինուած ուժերու ձեւաւորման անհրաժեշտութիւնը։ Ան միշտ լեցուն էր նոր, հայանպաստ  գաղափարներով։

Մեր վերջին հանդիպումը կայացաւ Երեւանի մէջ՝ նախորդ տարուայ Հոկտեմբերին՝ Արցախեան 44-օրեայ պատերազմի ժամանակ։ Վարպետն  իր էութեանը հաւատարիմ, կրկին նոր ծրագիրներ կը կազմէր, նոր ելքեր ուղենշելով, որոնք իրենց դրական ազդեցութիւնն կուենային թէ Հայաստանի թէ Արցախի թէ ալ Արեւմտեան Հայաստանի հայութեան վրայ։

Շուշի բերդաքաղաքի մեջ անոր թողած աւանդը անպայմանօրէն ոսկէ տառերով պիտի գրուի այն անձերու սրտերուն մէջ, ովքեր դարձեալ պիտի ազատագրեն հերոսներու բոյն Շուշին»։ Հանգչիր Խաղաղութեամբ Վարպետ։

Յիշեցնենք,որ Կարօ Քէպապճեանի հոգեհանգիստեան ու հուղարկաւորութեան տեղի եւ ժամանակի մասին լրացուցիչ կը տեղեկացնենք։