ԱՄՆ սենատորը պաշտպանութեան նախարար Լլոյդ Օսթինին կոչ  ուղղած է ընդհանրապէս հանել Թուրքիան F-35 անտեսանելի կործանիչներու ծրագիրէն՝ Ռուսաստանէն С-400 հակահրթիռային պաշտպանութեան համակարգեր ձեռք բերելու համար՝ ըսելով, որ հակառակ պարագային այնպիսի երկիրները, ինչպիսին Հնդկաստանն է, նոյնպէս նման ձեւով գնումներ կը կատարէ, կը հաղորդէ PTI-ն: «Թուրքիային F-35-երու մատակարարման շղթայէն դանդաղ հեռացնելը սխալ ազդանշան է այնպիսի երկիրներու համար, ինչպիսին են Հնդկաստանը, որոնք կը քննարկեն նման ձեւով գնումները»,- Օսթինին ուղղուած նամակին մէջ նշած է սենատոր Ջեյմս Լանքֆորդը: ԱՄՆ-ը պէտք է շարունակէ «դաշնակիցներուն եւ գործընկերներուն կոչ ուղղել հրաժարուելու ռուսական տեխնոլոգիայէն»,- ըսած է սենատորը: «Բայց եթէ մենք ձեռնպահ մնանք Թուրքիային լիովին պատասխանատուութեան ենթարկելէն` թոյլ տալով անոր շարունակելու մասերու արտադրութիւնը, մենք Հնդկաստանին եւ միւս գործընկերներուն կը հասկցնենք, որ նման պահուածքն ընդունելի է, կամ գոնէ հետեւանքներ չի ունենար»,- գրած է Լանքֆորդը: