Մեծամոր հնագոյն ամրոց-բնակատեղին մէջ Սեպտեմբերին պեղումներ կիրականացուին: «Պատմամշակութային արգելոց-թանգարաններում եւ պատմական միջավայրի պահպանութեան ծառայութիւն» ՊՈԱԿ-ի նախաձեռնութեամբ ծրագրուած պեղումներուն նախատեսուած է, որ հայկական արշաւախումբը համագործակցի լեհ մասնագետներու հետ:

«Արմենփրես»-ի թղթակիցի հետ զրոյցի ժամանակ հնավայրի հայ-լեհական արշաւախումբի համաղեկավար, ՊՈԱԿ-ի գիտնական-քարտուղար, պատմական գիտութիւններու տոկթոր, պրոֆեսոր Աշոտ Փիլիպոսեանն ըսաւ, որ ըստ նախնական պայմանաւոուածութեան՝ լեհական կողմի մասնագետները Մայիսին կայցելեն Հայաստան, կը նախապատրաստուին պեղումներուն: «Եթէ համավարակով պայմանաւորուած իրավիճակը բարդանայ, եւ մեր գործընկերները չի կարողանան գալ, միայն Հայաստանի մասնագետներու հետ կը սկսինք աշխատանքը»,-շեշտեց ան:

Անդրադառնալով «Մեծամոր» պատմահնագիտական արգելոց-թանգարանի այս տարուայ այցելութիւններուն՝ Փիլիպոսեանը փաստեց, որ միայն Մարտին այնքան այցելութիւն եղած է, որքան ամբողջ 2020-ի ընթացքին: Հիմնականը Ռուսաստանէն եկած զբոսաշրջիկներ եղած են:

Մեծամոր հնագոյն ամրոց-բնակատեղին համաշխարհային մշակոյթի իւրահատուկ յուշարձաններէն է: Այն Երեւանէն 35 կմ հարաւ-արեւմուտք է՝ Տարոնիկ գիւղէն ոչ հեռու՝ Մեծամոր գետի ափին: