ԱՐԵՒՄՏԵԱՆ ՀԱՅԱՍՏԱՆ – 1993թ.-ի Մարտ 27-ին հայկական զօրքերը սկսեցան Քարվաճառի ազատագրման գործողութիւնը: Ապրիլի 1-ին՝ ազատամարտիկներ Արմենակ Աբրահամեանի, Յովսէփ Յովսէփեանի, Վոլոտիա Աւետիսեանի, Սարգիս Կարապետեանի, Միշա Թադեւոսեանի, Յոզէֆ Ներսէսեանի, Վիգէն Աբրահամեանի եւ այլոց շնորհիւ  ազատագրուեցաւ Քարվաճառը։ Ապրիլի 2-ին հայկական ուժերը շարժուեցան առաջ, իսկ երեք օր անց դիրքաւորուած էին Օմարի լեռնանցքին:

Քարվաճառի գործողութիւնները սկիզբ առին Մարտի 31-ի գիշերը՝ ժամը 00։00-ի սահմաններուն։ Ապրիլի 1-ին, 25 կմ քալելէ ետք՝ հայկական զօրքերն արդէն Քարվաճառի կեդրոնին էին։ Երկու մարտական դիրքեր գրաւուեցան․ առաջինը՝ առաւօտեան 07։00-ին, իսկ երկրորդը՝ 10։30-ի սահմաններուն։

Քարվաճառի ազատագրումը շատ կարեւոր էր Հայաստանի եւ Արցախի հիւսիսային ու հիւսիս-արեւելեան սահմաններու անվտանգութեան ապահովման համար: Քարվաճառը կարեւոր ռազմավարական կէտ էր հայկական կողմին համար, որու ազատագրման հետեւանքով՝ կայուն կապ հաստատուեցաւ Հայաստանի եւ Արցախի միջեւ, զգալիօրէն կրճատուեցաւ ճակատային գիծը, ապահովելով Մարտակերտի շրջանի թիկունքը:

Արեւմտեան Հայաստանի այս հատվածը  2020-ի Նոյեմբերի 09-էն մինչեւ այսօր  գրաւուած է թուրք-ատրպէյջանական ուժերու կողմէ։

2013-ին լոյս տեսած է « ՔԱՐՎԱՃԱՌ – Մեր Պատուոյ Պարտքը » հեղինակ` Լեւոն Մինասեան։

https://lh5.googleusercontent.com/FQWmGkNcmb6SwNWTHqaeWKy5CRjS9jXtv1AO7M-PbVrklWITKuCIP2c1Iis7JXiekHtoDR5TXyM5a1ZlDroHL3MopGtvkO3WO8gWjGFeAObl81xX6kGESzvkDcUsRMX9uUMPSw7M

Քարվաճառի ազատագրման մանրակրկիտ ներկայացմամբ։

Leave a Reply