Western Armenia TV- ի եթերով ԱՀՀ նախագահ Արմենակ Աբրահամեանը մէկ անգամ եւս յիշատակեց  իր զինակից ըկերներու՝ վարպետ Կարօ Քէպապճեանի եւ լեգենտար  հրամանատար  Արկադի Տեր Թադեւոսեանի ունեցած դերն ու աւանդը՝ ինչպէս Արցախեան  առաջին պատերազմի ժամանակ գործողութիւններու անմիջական  մասնակցութեամբ, այնպէս ալ երրորդ պատերազմին՝ Արցախին ցուցաբերուած անգնահատելի օգնութեան համար։

Խօսեցաւ Վարպետ Կարօ Քէպապճեանի հետ անցած ճանապարհը, կարեւորելով այն փաստը որ անոր վարպետութեան շնորհիւ կարողացած են պատերազմէն առաջ զինուորականներուն պատրաստել  մարտի համար, եւ այդ ժամանակ ալ ստեղծուեր է հայկական ռազմապարերու վրայ հիմնուած «Հայ Ճամփայ» մարտարուեստը, որով ԱՀՀ նախագահը մարզեր է տղաներուն պատերազմի ժամանակ։ 

Գեներալ Կոմանտոսի մասին խօսելու ժամանակ նշեց, որ միասին երկար ճանապարհ անցած սկսած Արցախեան առաջին պատերազմէն, իսկ  երբ  նախագահը ամիսներ առաջ հանդիպեր է Կոմանդոսին, եւ քննարկեր են այս պատերազմի ընթացքն ու հաւանական ելքերը, հրամանատարը յիշեր է ԱՀՀ նախագահի հեղինակած բայց չկիրառված Շուշիի ազատագրման ծրագիրը, որը կը պահէ  իր գրասենեակին մէջ։ 

Ամփոփելով զրոյցը, ԱՀՀ նախագահ Աբրահամեանը մէկ անգամ եւս ցաւակցական խօսք հղեց իր զինակից ընկերներու ընտանիքներուն, հարազատներուն եւ  ողջ հայութեանը։

Leave a Reply