Արցախի Հանրապետութեան արտաքին գործերու նախարարութիւնը յայտարարութիւն  տարածած է 2016 թուականի Ապրիլեան պատերազմի տարելիցի կապակցութեամբ: «Արմենփրես»-ը  կը ներկայացնէ Արցախի ԱԳՆ յայտարարութիւնը. 

«2016 թ. Ապրիլին, խախտելով 1994 թ. Կրակի եւ ռազմական գործողութիւններու լիակատար դադարեցման մասին համաձայնագիրը, Ատրպէյջանը, կիրառելով իր  հարձակողական ողջ զինանոցը, լայնածաւալ հարձակում ձեռնարկեց Արցախի Հանրապետութեան դէմ` թիրախաւորելով ինչպէս Պաշտպանութեան բանակի դիրքերը, այնպէս ալ քաղաքացիական ենթակառուցուածքներն ու սահմանամերձ բնակավայրերը:

Միջազգային հանրութեան կողմէ Ատրպէյջանի ռազմական հանցագործութիւններու չի դատապարտուած ըլլալու հանգամանքը յաջորդ տարիներու ընթացքին աւելի զօրացուց այդ երկրի ռազմատենչ նկրտումները, որու կիզակէտը դարձաւ 2020 թ. Սեպտեմբերի 27-ին Արցախի դէմ նոր լայնածաւալ պատերազմի սանձազերծումը՝ Թուրքիայի աջակցութեամբ եւ միջազգային ահաբեկիչներու ներգրաւմամբ: 

Միջազգային հանրութիւնը պէտք է վճռական գնահատական տայ այսօր շարունակուող Ատրպէյջանի ագրեսիվ քաղաքականութեանը, միջազգային իրավունքի հանդէպ ծայրահեղ անարգանքին եւ ատրպէյջանա-Արցախեան հակամարտութեան կարգաւորմանն ուղղուած բանակցութիւններէն հրաժարուելու փորձերուն:

Ապրիլեան պատերազմի ժամանակ հայ ժողովուրդի ցուցաբերած միասնականութիւնն ու մեր հերոսներու սխրանքները յաւերժ կը մնան մեր պատմութեան եւ սերունդներու յիշողութեան մէջ»:

Leave a Reply