Արցախի անվտանգութեան խորհուրդի քարտուղար Վիտալի Պալասանեանն Ապրիլի 2-ին անցկացուցած է աշխատանքային խորհրդակցութիւն՝ կապուած սահմանային գոտիին առաջացող հրատապ հարցերու լուծման նպատակով գործող օպերատիվ կենտրոնի կողմէ իրականացուող աշխատանքներու կատարման ընթացքի հետ։ Ներկայացուեր են շփման գիծի առկայ իրավիճակի մշտադիտարկման, օպերատիվ լուծումներ պահանջող հարցերու լուծմանը վերաբերող նկատառումներ։ Քննարկուեր են ընթացիկ խնդիրները, անոնց լուծման ուղղութեամբ պատասխանատուները ստացեր են համապատասխան ցուցումներ։

Ըստ աղբիւրի՝ խորհրդակցութեան մասնակցեր են առողջապահութեան, Էկոնոմիկայի եւ գիւղատնտեսութեան, կրթութեան, գիտութեան, մշակոյթի եւ սպորտի նախարարները, տարածքային կառավարման եւ ենթակառուցուածքներու նախարարի տեղակալը, Խաղաղապահ զօրախումբի հրամկազմի բարձրաստիճան ներկայացուցիչներ։