«Էրեբունի» պատմահնագիտական արգելոց-թանգարանը, որտեղ միշտ հետաքրքիր ցուցադրութիւններ, կրթական ծրագիրներ եւ մշակութային այլ միջոցառումներ կանցկացուին, կը շարունակուի աշխոյժ գործունէութիւն ծաւալել՝ նախաձեռնելով նոր նախագիծեր:

«Արմենփրես»-ի թղթակիցի հետ զրոյցի ժամանակ արգելոց-թանգարանի տնօրեն Միքայել Պատալեանն ըսաւ, որ 2020-ին՝ մինչ համավարակը, թանգարանն այցելուներու պակաս չէ ունեցած, սակայն Մարտի 16-էն ետք ստիպուած անցեր են առցանց աշխատանքի․

«Թանգարանը որպէս նուիրատւութիւն 24 աուտիոկիտ  ստացեր է Արմսվիսբանկի կողմէ, որոնք կը նախատեսեն գործարկել Մայիսին կամ Հունիսին: Այժմ թեքստերու թարգմանութիւններն  աւարտին կը հասնին: Նիւթերը հասանելի կըլլան հայերէն, անգլերէն, ռուսերէն, ֆրանսերէն, գերմաներէն եւ իտալերէն լեզուներով:

Ծրագիրներու միջոցով կառաջարկենք հնագիտական պեղումներ իրականացնել արհեստական պեղավայրերուն մէջ: Համագործակցելով Նետաձգութեան ազգային ֆետերացիայի հետ՝ կառաջարկենք նետաձգութեան վարպետաց դասերու մասնակցիլ «Կարմիր բլուր»-ի մէջ, կաւագործութեան դասերու՝ «Շենգավիթ»-ի մէջ»,- պատմեց Պատալեանը:

Տնօրենի խօսքով՝ «Եկեք միասին վերականգնենք ուրարտական կաւէ գանձերը» ծրագիրին աշխոյժօրէն կը մասնակցին մարզերու երեխաները”

«Էրեբունի» պատմահնագիտական արգելոց-թանգարանը հիմնադրուեր է 1968 թուականին: Թանգարանին մէջ ցուցադրուած են «Արին բերդ», «Կարմիր բլուր», «Շենգավիթ» հնավայրերէն յայտնաբերուած նիւթական մշակոյթի մնացորդներ եւ գտածոներ։ 

Leave a Reply