Անցած օրերուն Արեւմտեան Հայաստանի Վան նահանգի Չալտըրանի գաւառի ոստիկանութեանը ծանուցուած էր, որ Ալիքելլե լեռան փեշերու վրայ գտնուող պատմական Դիտակէտ-ամրոցի առջեւ տեղադրուած են պայթուցիկներ : Ահազանգի հիման վրայ ոստիկանութեան հատուկ ջոկատները ուսումնասիրած են տեղը եւ պարզած են, որ ամրոցի ճակատային մասը գանձախոյզները 8 առանձին անցք փորած են, եւ այդ անցքերուն մէջ դինամիտ տեղադրած: Ոստիկանութեան ջոկատները Թանգարաններու տնօրինութեանը կից փորձագիտական ​​խումբերու հսկողութեան ներքոյ վնասազերծեր են պայթուցիկները: Վանի Թանգարաններու տնօրինութիւնը դէպքէն ետք սկսած է վնասի հատուցման աշխատանքները:

Այս դէպքի հետ կապուած՝ Չալտըրանի քաղաքապետ Շեֆիկ Էնսարին յայտարարած է, որ իրենք սկսած են աշխատանքները շրջանի պատմական կառոյցներն ու վայրերը պաշտպանելու ուղղութեամբ եւ հետեւեալ կոչով դիմած է քաղաքացիներուն. «Ես կը ցանկանայի հորդորել մեր զգայուն քաղաքացիներուն: Որպէսզի պաշտպանենք մեր պատմական ժառանգութիւնը եւ փոխանցենք այն եկող սերունդներուն, կը խնդրեմ ոչ մէկին թոյլ չի տալ ապօրինի պեղումներ կատարելու»:

Յիշեցնենք, որ պատմական Դիտակէտ-ամրոցը կառուցուեր է դեռեւս Արարատեան թագաւորութեան շրջանին եւ ծառայեր է որպէս պաշտպանական կառոյց։

Leave a Reply