Հայաստանեան շուրջ 3 տասնեակ հասարակական կազմակերպութիւններ կոչով դիմած են ՅՈՒՆԵՍԿՕ-ի գլխաւոր տնօրեն Օդրի Ազուլային՝ ահազանգելով, որ Ատրպէյջանը կոչնչացնէ իր վերահսկողութեան տակ յայտնուած հայկական ժառանգութեան օբյեկտները եւ պահանջելով փաստահաւաք առաքելութիւն ուղարկել Արցախ:

Կը ներկայացնենք NEWS.am-ի տրամադրած կոչէն  հատուած մը․

«Մենք՝ քաղաքացիական հասարակութեան խումբ մը կազմակերպութիւններ, հղում կատարելով Մշակութային ժառանգութիւնը դիտաւորեալ ոչնչացնելու մասին ՅՈՒՆԵՍԿՕ-ի 2003 թուականի հռչակագիրին, Զինուած հակամարտութիւններու ժամանակ մշակութային արժէքներու պաշտպանութեան մասին 1954 թուականի կոնվենցիային եւ կից երկու արձանագրութիւններուն, ինչպէս նաեւ ՄԱԿ-ի Անվտանգութեան խորհուրդի 2347 (2017) բանաձեւին, կը դատապարտենք Արցախի մէջ Ատրպէյջանի կողմէ հայկական մշակութային եւ կրոնական ժառանգութեան դիտաւորեալ վնասումը եւ ոչնչացումը 2020 թուականի Սեպտեմբեր-Նոյեմբերի Արցախեան 44-օրեայ պատերազմի ընթացքին եւ անոր աւարտէն ետք, եւ կահազանգենք ՅՈՒՆԵՍԿՕ-ին միջազգային իրավունքի կոպտագոյն խախատումներու մասին, որոնք նպատակաուղղուած են տարածաշրջանին մէջ հայկական պատմական արմատները ջնջելուն եւ հայկական մշակութային եւ կրոնական ժառանգութիւնը իւրացնելուն: Հատկանշական կը համարենք, որ ատրպէյջանական իշխանութիւններու պահուածքը կը վկայէ ոչ միայն միջազգային պարտաւորութիւններու ակնյայտ խախտումներու, այլ նաեւ՝ հայ ժողովուրդի շարունակական խոշտանգումին եւ նւաստացման նպատակի մասին։”  

Leave a Reply