Քրտամետ «Ժողովուրդներու դեմոկրատական կուսակցութեան» Պոլսոյ պատգամաւոր Ալի Քենանօղլուն Ազգային Ժողովի Նախագահութեանն առաջարկեր է ուսումնասիրել  Կոչգիրիի կոտորածի դէպքերը՝ 100-ամեակի կապակցութեամբ:

Միջնորդութեան հիմնաւորման մէջ նշուած է հետեւեալը.

«Ըստ լուրերու՝ Նուրեդդին փաշան յայտարարած է, որ հայ անունը հնչեցնողները, որոնց քոտաւորած էր «Zo» գաղտնաբառով, իրենք վերացուցած են, իսկ «Լո» գաղտնաբառով կոչելով քիւրտ ասողներու արմատը ինքն անձամբ կը վերացնէ։ Եւ իր խօսքով՝ 500 ապստամբի ջախջախեր է եւ երկու հազար մարդու  քշած է Անատոլիայի (Արեւմտեան Հայաստանի) տարբեր շրջաններ:

Քոչգիրիի ցեղախումբերը, որոնց ճնշող մեծամասնութիւնը Քըզըլպաշ քիւրտեր / զազաներ էին, կապրէին պատմական Տերսիմ Սանջակի 135 գիւղերու մէջ, մինչեւ 20-րդ դարի սկիզբ այնքան ջերմ հարաբերութիւններ չունէին Օսմանեան պետութեան եւ Պոլսոյ կառավարութեան հետ:

Առաջին աշխարհամարտի աւարտին Օսմանեան կայսրութեան կազմալուծման ժամանակ իրենց անկախութիւնը հռչակած տարբեր ազգերէ ետք քիւրտերն համախմբուեցան, եւ Քոչգիրիի ցեղախումբերը, մտերմանալով քիւրտական համայնքներու հետ, 1919-ին սկսեցան արտայայտել իրենց ինքնավարութեան պահանջները

Leave a Reply