Մեսրոպ Մաշտոցի անուան Մատենադարանի եւ Համպուրկի համալսարանի միջեւ վերջերս կնքուեցաւ համագործակցութեան յուշագիր: Համպուրկի համալսարանի Ձեռագրական մշակոյթներու ուսումնասիրութեան կենտրոնի տնօրեն Մայքլ Ֆրիդրիխի եւ Մատենադարանի տնօրեն Վահան Տեր-Ղեւոնդեանի նախաձեռնութեամբ շեշտ կը դրուի երկու երկիրներու միջեւ ձեռագրերու պահպանութեան եւ ձեռագրային ժառանգութեան ուսումնասիրութեան ոլորտին ուղիղ եւ փոխշահաւետ համագործակցութեանը:

Յուշագիրով ամրագրուած համագործակցութիւնը կը նախատեսէ՝ ձեռագրագիտութեան, ձեռագրերու պահպանման, վերականգնման, ցուցակագրման, թուայնացման ոլորտներու բարձրակարգ մասնագետներու վերապատրաստում, ինչպէս նաեւ գիտական փորձի փոխանակում, համատեղ ծրագիրներու իրականացում եւ մասնագետներու ու հետազոտողներու երկկողմանի այցելութիւններ:

Leave a Reply