Ռուսաստանի Դաշնութեան նախագահ Վլատիմիր Բութինը հեռախօսազրոյց ունեցեր է Թուրքիայի նախագահ Ռեջեփ Թայիփ Էրդողանի հետ, որու ընթացքին, ի թիւս այլ հարցերու, անդրադարձեր են Արցախեան հակամարտութեան կարգաւորման խնդիրին: Ինչպէս կը տեղեկացնէ «Արմենփրես»-ը, այս մասին հաղորդագրութիւն  տարածեր է Կրեմլի մամուլի ծառայութիւնը:

«Ռեջեփ Թայիփ Էրդողանը բարձր գնահատեր է Ռուսաստանի քայլերը իրավիճակի յետագայ կայունացման ապահովման, 2020 թուականի Նոյեմբերի 9-ի եւ 2021 թուականի Հունուարի 11-ի եռակողմ յայտարարութիւններու շարունակական իրականացման ուղղութեամբ: Վլատիմիր Բութինը Թուրքիայի նախագահին տեղեկացուցած է Հայաստանի եւ Ատրպէյջանի ղեկավարներու հետ վերջերս ունեցած շփումներու արդիւնքի մասին: Երկու կողմը կարծիք յայտնած են Հարաւային Կովկասի փոխադրամիջոցներու ենթակառուցուածքի վերականգնման աշխատանքներու ակտիվացման անհրաժեշտութեան մասին»,- նշուած է Կրեմլի տարածած հաղորդագրութեան մէջ: