Միջազգային լրագրողները վրդովմունքով ու զզուանքով  արձագանքած են Ատրպէյջանի մէջ,  «ավարային այգիի» բացումին, որտեղ ներկայ գտնուած է նախագահ Իլհամ Ալիեւը: Հայ զինուորներու սաղավարտներու ֆոնին «համարձակ» քայլող Ատրպէյջանի առաջնորդի դէմքի ինքնագոհ արտայայտութիւնը մեծամասնութեան մոտ Հիտլերի եւ Սատամ Հուսեյնի հետ ասոցիացիա առաջացուցած է:

«Այս խորապէս նողկալի է ու կը յիշեցնէ Պաղտատի մէջ «Յաղթանակի կամարի» հիմքը սաղավարտներու հաւաքածուն, որը, Սատամի պնդելով, կը պատկանի 1980-88 թուականներու պատերազմի ժամանակ զոհուած իրանցի զինուորներուն»,- գրած է Bloomberg-ի լրագրող Պոպի Գոշը:

Զարմանալի չէ, որ այդքան շատ ատրպէյջանցի զինուորներ փաստեր են իրենց դաժան ռազմական հանցագործութիւնները: Այլասերուածութեան այս տեսակը խրախուսուած եւ նշուած է պետական մակարդակով»,- ըսած է հետաքննող լրագրող Լինտսի Սնելը:

«Սա խելահեղութիւն է»,- գրած է BuzzFeedNews-ի թղթակից Քրիստոֆեր Միլլերը:

«Ահա թէ ինչ տեսք ունին ոչ թէ յաղթողները, այլ ռազմական հանցագործները. Ատրպէյջանի նախագահ Ալիեւը Պաքուի մէջ կառուցեր է սեփական զուարճանքի այգին՝ հայ զինուորներու սաղավարտներ, հայկական համազգեստով մոմէ տիկնիկներ եւ խանութ… Սիրտս խառնում է»,- ըսած է գերմանացի կինոռեժիսոր եւ իրավապաշտպան Դիւնեզ Թեկկալը:

Արեւմտեան Հայաստանի ղեկավարութիւնը նոյնպէս իր վրդովմունքն կը յայտնէ այս կապակցութեամբ եւ կը դատապարտէ Ալիեւի արարքը։ Այս գործողութեամբ ատրպէյջանի նախագահը եւս մէկ անգամ կը փաստոէ, թէ ինչ նողկալի հետեւանքներ  կունենայ անպատժելիութիւնն ու ամբարտավանութիւնը։