Մշակոյթի միջազգային օրուայ առիթով Ապրիլի 15-ին Մարդու իրաւունքներու պաշտպանը Ամարասի վանական համալիրէն ուղերձ հղած է միջազգային հանրութեան, որտող մասնաւորաէս կ՛ըսուի. «Այսօր Մշակոյթի համաշխարհային օրն է, եւ այժմ ես կանգնած եմ Արցախի հայկական կարեւորագոյն մշակութային յուշարձաններէն մէկի` 4-րդ դարի հիմնուած Ամարասի վանական համալիրի մոտ: Ամարասն այն հազարաւոր յուշարձաններէն մէկն է, որը կը վկայէ Արցախի մէջ հայի դարաւոր գոյութիւնը: 2020թ. Սեպտեմբերին Ատրպէյջանի կողմէ Արցախի ժողովուրդի դէմ սանձազերծուած պատերազմը եւ անոր հետեւանքները իրական սպառնալիքներ ստեղծեր են տարածաշրջանի մէջ հայկական մշակութային ժառանգութեան համար: Մենք կարողացանք փրկել Ամարասը, սակայն հազարաւոր յուշարձաններ  մնացին  մեր  վերահսկողութիւնէն  դուրս: Եւ այսօր մենք ականատես ենք  մեր մշակութային կոթողներու նկատմամբ Ատրպէյջանի բարբարոսական վերաբերմունքին: Անոնք վանտալիզմի կենթարկեն, կը պղծեն ու կոչնչացնեն հայկական եկեղեցիները, խաչքարերը, յուշարձանները, գերեզմանատուները եւ սրբավայրերը: Զինուած հակամարտութիւններու ժամանակ մշակութային արժէքներու պաշտպանութեան մասին 1954թ. Հագայի կոնվենցիան կընդգծէ, որ մշակութային արժէքներուն հասցուած վնասը հաւասարապէս կը վերաբերուի ողջ մարդկութեանը: Եւ այո՛, քաղաքակիրթ աշխարհը պատասխանատու է հայկական մշակոյթի պահպանման համար: Դժբախտաբար, մինչեւ այսօր չէ ձեռնարկուած քայլ մը այդ ուղղութեամբ` Ատրպէյջանի կողմէ ստեղծուած կեղծ խոչընդոտներու պատճառով: Մշակութային արժէքներու պահպանմանը նուիրուած այս կարեւոր օրը, այս սուրբ վայրէն ես կը ցանկանայի անգամ մը եւս դիմել միջազգային հանրութեան, բոլոր շահագրգիռ կազմակերպութիւններուն եւ անձերուն, որոնք կը պայքարին մշակութային արժէքներու պահպանութեան համար, անտարբեր չի մնալ հայկական մշակոյթի դէմ կատարուած հանցագործութիւններու նկատմամբ:


Ամբողջական հոդուածի հղումը հասանելի է մեր կայքին https://www.aravot.am/2021/04/15/1184251/