Լեհաստանի կառավարութինը Ապրիլի 15-ին 3 տոննա մարդասիրական օգնութիւն ուղարկած է Հայաստան, որոնք պիտի տրամադրուին  ՀՀ տարածքին մէջ բնակութիւն հաստատած Արցախէն տեղահանուած քաղաքացիներուն: «Արմենփրես»-ի հաղորդմամբ՝ «Զուարթնոց» օդանավակայանին մէջ լրագրողներու հետ զրոյցի ժամանակ այս մասին ըսած է Աշխատանքի եւ սոցիալական հարցերու նախարարի առաջին տեղակալ Տաթեւիկ Ստեփանեանը: «Աշխատանքի եւ սոցիալական հարցերու նախարարութիւնը դեռ Արցախեան պատերազմի օրերէն սկսած կը դասաւորէր արցախցիներուն կացարանով ապահովելու գործընթացը ու  դեռ պետական հոգատարութեան կացարաններուն մէջ ունինք բնակուող շուրջ 1000 արցախցիներ: Լեհաստանի կառավարութիւնը հումանիտար օգնութիւն տրամադրած է՝ հիմնականը առաջին օգտագործուող պարագաներ, ախտահանիչ  միջոցներ եւ այլն, որոնք անմիջապէս կը բաժնեն քաղաքացիներուն»,- նշեց Ստեփանեանը: