Թուրքիան Ռուսաստանէն օսմանեան դրոշները ետ վերադարձնելու պահանջով «Վերադարձուցեք Պատիւը» կարգախօսով դատական հայց ներկայացուցեր է Ռուսաստանի Դաշնութեան դէմ։ 

Ինչպէս յայտնած է Daily Sabah-ը՝ Ապրիլի 8-ին թուրք սիրողական պատմաբան եւ գրող Ումիտ Թոփալը դատական ​​հայց ներկայացուցած է՝ Առաջին աշխարհամարտի ընթացքին Թուրքիայի (Արեւմտեան Հայաստան) արեւելեան Կարին (Էրզրում) նահանգին մէջ տեղի ունեցած մարտերու ընթացքին ռուսական զօրքերու կողմէ գրաւուած իննը հատ զինուորական գնդի դրոշակները եւ Կարինի Պասեն գաւառի մէկ դրոշակը ետ վերադարձնելու պահանջով: Հայցւորը կը պնդէ, որ Կարինը (Էրզրում) ռուսերու կողմէ վերջին անգամ 1916 թուականի Փետրուարին գրաւուած եւ այդ ժամանակ  շարք մը  պատմական եւ մշակութային արժէքներ ոչնչացուցուած եղեր են, իսկ վերոնշեալ դրոշակները` տարբեր արժէքաւոր իրերու հետ միասին հափշտակուած։ Ըստ Թոփալի՝ այժմ դրոշակները կը գտնուին Սանկտ Պետերբուրգի հանրայայտ Էրմիաժ թանագարանի պահեստներուն մէջ։

«Դրոշակները թուրքական բանակի եւ թուրք ազգի պատիւն են: Ես կակնկալեմ իւրաքանչիւրի աջակցութիւնը՝ մեր երկիր ետ բերելու համար»,- ըսած է Ումիտ Թոփալը։

Արեւմտեան Հայաստանի Հանրապետութեան Կառավարութիւնը, անդրադառնալով այս նիւթին,  իր գնահատականը յայտնած է, որը ձեզի կը  ներկայացնենք․ 

«Յիշեցնենք, որ սիրողական թուրք պատմաբանը հարց մը բարձրացուած է,  որն ամբողջովին կը վերաբերուի Արեւմտեան Հայաստանի մայրաքաղաք Կարինի (Էրզրում) մատոյցներուն մէջ 1916թ.-ին ընթացող մարտերուն: 

1917թ. Դեկտեմբերի 29-ի Լենինի կողմէ հրատարակած դեկրետով Ռուսաստանը ճանաչեց Տաճկահայաստանի (Արեւմտեան Հայաստանի) Հայերու ինքնորոշման իրաւունքը մինչեւ  անոնց անկախութիւնը եւ 1918թ.-ին Թուրքիային վերադարձուեր է Հայկական Կարինը (Էրզրումը): Կը ցանկանայինք նաեւ տեսնել սիրողական պատմաբանի հնչեցուցած Թուրքիայի պաշտպանութեան եւ արտաքին գործերու նախարարութիւններու կողմէ ներկայացուելիք փաստաթուղթերը ու անոնց իրաւական հիմքերը:

Յիշեցնենք նաեւ, որ ռուսերու մոտ յայտնուած ռազմավարի մէջ առկայ են նաեւ պատմական արտեֆակտներ, որոնք կը պատկանինն հայ ժողովուրդին, քանի որ կը ներկայացնեն Հայ ազգային մշակոյթը, իսկ թուրք պատմաբանը անոնց հանդէպ ոչ մէկ հաւակնութիւն պէտք չէ ունենայ»: