ԱՄՆ Սենատի միջազգային յարաբերութիւններու կոմիտէի մէջ Ապրիլի 15-ին Սենատի Արտաքին յարաբերութիւններու հանձնաժողովի նախագահ Պոպ Մենենտեսը բարձրացուցած  է հայ ժողովուրդին, ներառեալ` հայ ռազմագերիներուն վերաբերող առանցքային հարցեր: Ինչպէս կը տեղեկացնէ «Արմենփրես»-ը, վկայակոչելով Ամերիկայի հայկական համագումարի տարածած հաղորդագրութիւնը, Մենենտեսը յայտարարած է, որ ԱՄՆ-ն պէտք է ճնշում գործադրէ Ատրպէյջանին, որպէսզի Ատրպէյջանը ազատ արձակէ ռազմագերիներուն:

«Ես կաշխատիմ Հայաստանի, Ատրպէյջանի, Արցախի խնդիրներու վրայ արդեն շուրջ 25 տարի, եւ այն, ինչ կատարուեր է նախորդ տարի, միանգամայն ողբերգական էր տարածաշրջանի մէջ շատերու համար»,-ըսած է  Մենենտեսը:

Լսումներու ժամանակ սենատոր Մենենտեսը խօսած է նաեւ ԱՄՆ-ի կողմէ Արցախին տրամադրուող մարդասիրական օգնութեան կարեւորութեան եւ հրատապութեան, ինչպէս նաեւ Արցախի մէջ իրենց տուներէն տեղահանուած հայերու համար անհրաժեշտ օգնութեան ապահովման կարեւորութեան մասին: