Ամերիկեան The National Interest ամսագիրը լայնածաւալ հոդուած հրապարակեր է Ատրպէյջանի նախագահ Իլհամ Ալիեւի եւ անոր  նախաձեռնութեամբ Պաքուի մէջ բացուած «պուրակ-թանգարանի» մասին: Ինչպէս կը տեղեկացնէ «Արմենփրես»-ը, հոդուածագիր Մայքլ Ռուպինը Իլհամ Ալիեւին համեմատած է Իրաքի նախկին նախագահ Սատամ Հուսեյնի հետ, իսկ Պաքուի մէջ բացուած «պուրակ-թանգարանը»՝ Պաղտատի «Կատիսիայի թրեր» յաղթակամարի հետ:

«Ալիեւը, ով երբեք չէ ծառայած բանակ, կը շրջուի զինուորական համազգեստով՝ ցուցադրելով հայկական ռազմատեխնիկան եւ հայ զինուորներու մոմէ մոտելները: Պաքուի պուրակի կենտրոնական տարրը սպանուած եւ գերեվարուած հայ զինուորներու սաղավարտներէ պատրաստուած կամարն է: Այն փաստը, որ Ատրպէյջանը կը շարունակէ անօրինական ձեւով պահել  ռազմագերիներուն եւ առեւանգուած քաղաքացիական անձերուն, որոնցմէ մի քանիին ան կարող էր սպանել գերութեան ընթացքին, կընդգծէ ցուցադրութեան անհամութիւնը»,- նշած է հոդուածագիրը: