Ռուսաստանեան խաղաղապահ զօրախումբի հումանիտար ականազերծման վաշտի ինժեներասակրաւորական խումբերը կը շարունակեն Արցախի տարածքի մաքրելն ականներէն եւ պայթիւնավտանգ առարկաներէն:

«Արմենփրես»ի հաղորդմամբ՝ այս մասին կը տեղեկացնէ ՌԴ պաշտպանութեան նախարարութիւնը:

«Ներկայիս ռուս սակրաւորները պայթիւնավտանգ իրերու որոնման աշխատանքներ իրականացուցած են Կարմիր շուկայի մէջ: Գիւղատնտեսական տարածքները, որոնք նախկին ժամանակ մշակեր են տեղի բնակիչները, զինուած հակամարտութեան ժամանակ հրետակոծութեան ենթարկուեր են։ Խաղաղապահ զօրակազմի հումանիտար ականազերծման ստորաբաժանման զինծառայողները համատարած մաքրած են շուրջ 5 հա գիւղատնտեսական տարածք: Կատարուած աշխատանքի շնորհիւ տեղի ֆերմերները կարող են վերադառնալ հողի մշակման եւ թութի տնկարկներու խնամքին։