Շենգավիթ վաղ Պրոնզէ դարեան հնավայր-յուշարձանին 2021-ի Սեպտեմբերին կամ Յոկտեմբերին պեղումներ կիրականացուին: Պեղումները միտուած կ՛ըլլան տաճարական համալիրի բացայայտմանը:

«Արմենփրես»-ի թղթակիցի հետ զրոյցի ժամանակ Շենգավիթի հնագիտական արշավախումբի ղեկավար Յակոբ Սիմոնեանն ըսաւ, որ 2022-ի գարնան կը հրատարակուի հայ-ամերիկեան արշավախումբի համատեղ իրականացուած պեղումներու արդիւնքներն ամփոփող «Շենգավիթ» գիրքը, որուն մէջ կը ներառուին նաեւ 2021-ի արդիւնքները:

«Այդ շատ լուրջ գիրք է, որը լոյս կը տեսնէ ԱՄՆ-ի մէջ: Հայերէն տարբերակը կը հրատարակուի Երեւանի մէջ: «Շենգավիթ»-ը հնագիտութեան վերաբերեալ կարեւորագոյն գիրքերէն մէկը կ՛ըլլայ, որը լուրջ նշանակութիւն կունենայ հայ հնագիտութեան միջազգայնացման գործին»,-շեշտեց հնագետը:

Ան ընդգծեց, որ Շենգավիթը եղած է, կայ եւ կը մնայ Հայաստանի ամենաառանցքային յուշարձանը: «Շենգավիթի պեղումները բացառիկ են: Նոր պեղումներու հիմքն ու նպատակը տաճարական համալիրի բացայայտումն է»,-նշեց Սիմոնեանը:

Արշավախումբի ղեկավարը յիշեցուց, որ Շենգավիթի մէջ եղած է շատ զարգացած արդիւնաբերութիւն. եղած են մետաղագործերու, երկրագործերու, այլ արհեստաւորներու  թաղամասեր: Շենգավիթի մէջ կան հնագոյն ոսկերչական նմուշներ, որոնք ցոյց կուտան, որ Շենգավիթի մէջ եղած է նաեւ ոսկերչական արուեստ։