Հայաստանի Հանրապետութեան արտաքին գործերու նախարարութեան մամուլի խօսնակ Աննա Նաղդալեանն անդրադարձեր է Ատրպէյջանի նախագահ Իլհամ Ալիեւի յայտարարութեանն, ով ատրպէյջանական հեռուստաընկերութիւններէն մէկին տուած հարցազրոյցի ժամանակ հանդէս եկած է Հայաստանի նկատմամբ ուժի կիրառման սպառնալիքներով: «Արմենփրես»-ը կը ներկայացնէ ՀՀ ԱԳՆ մամուլի խօսնակի մեկնաբանութիւնը՝ լրատուամիջոցներու հարցին ի պատասխան: 

«Խիստօրէն կը դատապարտենք Հայաստանի տարածքային ամբողջականութեան դէմ Ատրպէյջանի նախագահի նկրտումները եւ ուժ կիրառելու սպառնալիքները:Նման յայտարարութիւնները լուրջօրէն կը վնասեն տարածաշրջանային խաղաղութեանն ու կայունութեանը: Անոնք կը բացայայտեն խաղաղութեան եւ հաշտութեան վերաբերեալ վերջին ժամանակներուն Ատրպէյջանի յայտարարութիւններու  կեղծ բնոյթը:

Հատկանշական է, որ նման սպառնալիքներ կը կատարուին Հայոց դէմ իրագործուած ցեղասպանութեան տարելիցին ընդառաջ եւ նպատակ ունին ուժի դիրքերէն խօսելու հայ ժողովուրդի հետ:

Մենք մշտական կապի մէջ ենք մեր ռազմավարական դաշնակիցի, ինչպէս նաեւ Հարաւային Կովկասի մէջ խաղաղութեամբ շահագրգռուած բոլոր գործընկերներու հետ:

Հայաստանը կը ձեռնարկէ բոլոր անհրաժեշտ միջոցները՝ իր ինքնիշխանութիւնը եւ տարածքային ամբողջականութիւնը պաշտպանելու համար»: