Եւրոպայի խորհուրդի խորհրդարանական վեհաժողովի Մոնիթորինկի կոմիտեն յայտարարութիւն ընդունած է, որով Ատրպէյջանին կոչ  ուղած է անհապաղ վերադարձնել հայ գերիներուն: «Արմենփրես»-ի փոխանցմամբ` այս մասին «Ֆեյսբուք»-ի իր էջին գրած է ԵԽԽՎ-ի մէջ Հայաստանի պատուիրակութեան ղեկավար Ռուպեն Ռուպինեանը:

«ԵԽԽՎ Մոնիթորինկի կոմիտեն քիչ առաջ յայտարարութիւն ընդունեց՝ Ատրպէյջանին կոչ ուղոլով անհապաղ վերադարձնել հայ գերեվարուածներուն»,- գրած է Ռուպինեանը:

Ապրիլի 19-ին ԵԽԽՎ գարնանային նստաշրջանի շրջանակին քաղաքական խումբերուն մէջ քննարկուեր է Ատրպէյջանի մէջ պահուող հայ ռազմագերիներու հարցը: Հարցն Ապրիլի 20-ին քննարկուեր է նաեւ ԵԽԽՎ լիագումար նիստին:

Թէ եւ Հայաստանի, Ռուսաստանի եւ Ատրպէյջանի ղեկավարներու՝ Նոյեմբերի 9-ի համատեղ յայտարարութեան 8-րդ կէտով հստակ շեշտուած է ռազմագերիներու, պատանդներու եւ պահուող այլ անձերու ու մահացածներու մարմիններու փոխանակման մասին, սակայն Ատրպէյջանն արհեստականօրէն կը հետաձգձէ այս գործընթացը՝ ամբողջութեամբ ետ չի վերադարձնելով հայ ռազմագերիներուն եւ պահուող այլ անձերուն:

Leave a Reply