Օրերս ԱՄՆ Նախագահ Ջո Պայտենը՝ Ապրիլի 24-ի իր ուղերձի ժամանակ հնչեցուց ցեղասպանութիւն եզրոյթը, որը բացի երկար սպասուած ըլլալէ, տեղին ու արդարացի էր։ Հայոց աշխարհին եւ ողջ քաղաքակիրթ մարդկութեան շրջանին այս խօսքերն ընդունուեցին մեծ ոգեւորութեամբ ու երախտիքով։ Պայտենի յայտարարութեան հանդէպ անտարբեր չի մնացին առանձնապէս Արեւմտեան Հայաստանի մէջ բնակուող հայերը։ Ինչպէս գիտենք՝ հայերու դէմ իրագործուած ցեղասպանութիւնէն ետք Արեւմտեան Հայաստանի տարածքին մէջ  մազապուրծ եղած մեր հայրենակիցներուն այնուամենայնիւ յաջողուեցաւ պահպանել իրենց ֆիզիկական գոյութիւնը եւ սերունդներ ունենալ։ Այժմ այդ սերունդերը՝ չնայած բռնի դաւանափոխութեանը, շարունակելով  կրել իրենց հայկական կենը, կապրին եւ կը զգան իրենց որպէս հայ։ Անոնք յատկապէս, աւելի մեծ սպասելիքներ ու հաւատ ունին պատմական անարդարութեան դիմակազերծման եւ ճշմարտութեան ճանաչման հանդէպ։ Եւ Ջո Պայտենի արտահայտած ցեղասպանութիւն եզրոյթը  անոնց մոտ առաջացուցած է վստահութիւն, ոգեւորութիւն եւ լաւատեսութիւն։  Ինչքան ալ Հայ համայնքներու որոշ ներկայացուցիչներ թերահաւատ են եւ ունին որոշակի մտավախութիւն,Արեւմտեան Հայաստանի հայ բնակիչներու մէջ կայ մէկ զանգուած, որն ուրախ է այս առիթով եւ իր երախտիքի ու շնորհակալութեան խօսքն  յայտնած է ԱՄՆ նախագահին։