Արցախի Հանրապետութեան արտաքին գործերու նախարարութիւնը յայտարարութիւն  տարածեր է «Կոլցո» գործողութեան 30-րդ տարելիցի կապակցութեամբ: «Արմենփրես»-ը ներկայացուցած է Արցախի Հանրապետութեան արտաքին գործերու նախարարութեան յայտարարութիւնը. 

«30 տարի առաջ՝ 1991 թ. Ապրիլի 30-ին, Ատրպէյջանի իշխանութիւնները նախաձեռնեցին «Կոլցո»  (Օղակ) գործողութիւնը, որն իրաւամբ կարելի է համարել իրենց պատմական հողերէն ժողովուրդներու տեղահանման ամենաարիւնահեղ եւ անմարդկային գործողութիւններէն մէկը։

Գործողութեան ընթացքին, որու ժամանակ առաջին անգամ քաղաքացիական բնակչութեան դէմ կիրառուեցան թանկեր, ռազմական ուղղաթիռներ եւ հրետանի, պարպուեցան եւ աւիուեցան Հիւսիսային Արցախի, ինչպէս նաեւ Շահումեանի, Հադրութի եւ Շուշիի շրջաններու հարիւրաւոր հայկական գիւղեր, տասնեակ հազարաւոր մարդիկ տեղահանուեցան, հարիւրաւորները սպաննուեցան եւ գերեվարուեցան։Շատերու ճակատագիրն առ այսօր անյայտ է։

«Կոլցո» գործողութիւնը դարձաւ Ատրպէյջանի ցեղասպան քաղաքականութեան հերթական դրսեւորումը եւ 1988-1991 թթ. Սումգայիթի, Պաքուի, Գանձակի եւ Ատրպէյջանի այլ հայաբնակ քաղաքներու եւ շրջաններու մէջ, ինչպէս նաեւ ԼՂԻՄ եւ Հիւսիսային Արցախի բնակավայրերուն մէջ իրականացուած հայկական ջարդերու ու էթնիկ զտումներու շղթայի շարունակութիւնը։

«Կոլցո» գործողութեան, 2016 թ. Ապրիլեան պատերազմի եւ Թուրքիայի ու տարբեր ահաբեկչական խմբաւորումներէն վարձկաններու աջակցութեամբ Ատրպէյջանի կողմէ  2020 թ. Արցախի դէմ սանձազերծուած 44-օրեայ պատերազմի ընթացքին Ատրպէյջանի զինուած ուժերու կողմէ իրականացուած ռազմական հանցագործութիւնները եւ միջազգային մարդասիրական իրաւունքի նորմերու կոպտագոյն խախտումները կը վկայեն, որ մարդկայնութեան դէմ ուղղուած հանցագործութիւններն անտարբերութեան մատնելն ու անպատիժ ձգելը կը  հանգեցնէ անոնց կրկնութեան։