Արցախի Հանրապետութեան մարդու իրաւունքներու պաշտպան Գեղամ Ստեփանեանը ֆեյսբուքեան գրառուով անդրադարձեր է Ատրպէյջանի կողմէ Շուշիի Սուրբ Ղազանչեցոց եկեղեցւոյ մէջ կատարուող  շինաշխատանքներուն։

ԱՀ ՄԻՊ-ի ֆեյսբուքեան գրառումէն հատուածներ.

«Ատրպէյջանը չի կարող վերականգնել ժողուրվրդի մշակութային արժէք, որու նկատմամբ տարիներ շարունակ պետական մակարդակով  համակարգուած ատելութիւնն կը տարածէ։ Այսպէս կոչված «նորոգման աշխատանքներու» քողի տակ ատրպէյջանցիները կաղավաղեն  հայկական հոգեւոր մշակութային կարեւորագոյն արժէքներէն մէկը՝ Շուշիի Ղազանչեցոց Սուրբ Ամենափրկիչ եկեղեցին։

Տարիներ շարունակ Ատրպէյջանի կողմէ վարուած է Արցախի մէջ հայկական քրիստոնիական մշակոյթը ալբանիզացնելու կամ այլ ազգերուն վերագրելու պետական քաղաքականութիւն։

Եթէ Ատրպէյջանն իսկական կը հոգայ մշակութային արժէքներու պահպանութեան մասին եւ  «կը վերանորոգէ»  այն, ապա մեծ հարց  կառաջանայ` թէ ո՞րն է պատճառը, որ մինչեւ այսօր չէ թոյլատրած, որ ՅՈՒՆԵՍԿՕ-ի անկախ փորձագիտական խումբը ժամանի տարածաշրջան։

Ատրպէյջանի կողմէ հայկական մշակոյթի նկատմամբ իրականացուող վանտալիզմի մասին մենք ամեն օր կը բարձրաձայնենք՝ միջազգային համապատասխան կառոյցներուն տեղեկացնելով կատարուածի մասին։ Սակայն հարցը քննադատութիւններէն կամ կոչերէն այն կողմ չի անցնիր», – գրած է Ստեփանեանը:

Leave a Reply