Ֆրանսիայի եւ Ռուսաստանի նախագահները պայմանաւորուեր են վերսկսիլ ջանքերը Մինսքի խումբի շրջանակներուն` Արցախի հակամարտութեան շուրջ իրավիճակի կայուն կարգաւորմանը հասնելու համար:

«Արմենփրես»-ի հարցմանն ի պատասխան այս մասին յայտնած է Հայաստանի մէջ Ֆրանսիայի արտակարգ եւ լիազոր դեսպան Ջոնաթան Լաքոտը:

«Հանրապետութեան նախագահը երկուշաբթի՝ Ապրիլի 26-ին, հեռախօսազրոյց ունեցեր է Ռուսաստանի Դաշնութեան նախագահ Վլատիմիր Բութինի հետ: Կովկասի մէջ տիրող իրավիճակի վերաբերեալ նախագահ Մակրոնն ընդգծեր է գերիներու, մարդասիրական աջակցութեան եւ ժառանգութեան պահպանման հարցերով յատուկ առաջընթաց գրանցելու անհրաժեշտութիւնը: Երկու նախագահները պայմանաւորուած են վերսկսիլ ջանքերը Մինսքի խումբի շրջանակներուն` իրավիճակի կայուն կարգաւորմանը հասնելու համար»,- նշած է Լաքոտը:

Դեսպանն ընդգծեր է, որ Արցախի հակամարտութեան խաղաղ կարգաւորման բանակցութիւններու վերսկսիլը համանախագահներու գերակայ խնդիրն է:

Հարցին՝ ԵԱՀԿ Մինսքի խումբի համանախագահներն ի՞նչ քայլեր կը ձեռնարկեն, որպէսզի Ատրպէյջանն ի վերջոյ վերադարձնէ հայ ռազմագերիներուն, ան նշած է, որ համանախագահներու վերջին յայտարարութեան մէջ կոչ ուղուած է վերադարձնել բոլորին։ Լաքոտն անդրադարձեր է նաեւ Պաքուի մէջ բացուած, այսպէս կոչուած, «Յաղթանակի պուրակին», յիշեցնելով իր այն յայտարարութիւնը, որ պատերազմը ներկայացում բեմադրելու առարկայ չէ:

Leave a Reply