Արեւմտեան Հայաստանի Տերսիմ նահանգին մէջ 1937-1938 թուականներուն տեղի ունեցած կոտորածէն՝ թերթելէն, անցած է 84 տարի: Տեղաբնակներու խօսքով՝ Տերսիմի թերթելէն  սովորական ջարդ չէր: Ըստ պաշտօնական տուեալներու՝ 16 հազար, ոչ պաշտօնական տուեալներով՝  սպանբուեր է 72 հազար մարդ, հազարաւոր մարդիկ աքսորուեր են, հազարաւոր երեխաներ, յատկապէս աղջիկներ, որդեգրուելով վերցուեր են իրենց ընտանիքներէն: Կոտորածի նպատակն էր վերացնել Տերսիմի իւրայատուկ ապրելակերպը, քաղաքական, սոցիալական եւ մշակութային ինքնութիւնը:

1937 թ.-ի Մայիսի 4-ին Տերսիմի կոտորածի գործընթացը սկսաւ Թունջելի նահանգի մասին զեկոյցով՝ 1935 թ. Դեկտեմբերի 25-ին եւ Նախարարներու խորհուրդի 1937 թ. Մայիսի 4-ի որոշմամբ վերածուեցաւ պատժամիջոցներու եւ խափանման միջոց որակուող ռազմական գործողութեան:

Տերսիմի ռազմական գործողութիւնները չեն սահմանափակուած միայն մարդկանց սպանդով: Տերսիմի աշխարհագրական ռեսուրսները, սրբավայրերը եւ բնակավայրերը նոյնպէս ռմբակոծուեցան եւ աւիրուեցան: Բռնաբարուած են բազմաթիւ կանայք: -Բռնաբարութիւնէն մազապուրծ հարիւրաւոր կանայք եւ աղջիկներ գերադասեցին մահը՝ նետուելով Մունզուրի ջուրերը:

Կատարուածէն անցեր է 84 տարի եւ տերսիմցիները կը պնդեն, որ պետութիւնը պէտք է առերսուի եւ կատարէ որոշ պահանջներ.

– Մայիսի 4-ը ընդունուի որպէս Տերսիմ-38 թերթելէի օր

– Արխիւները բացուին, եւ պետութիւնն առերեսուի ջարդերու հետ

– Տերսիմին վերադարձուի նախկին անունը

– Ներողութիւն խնդրուի Տերսիմցիներէն