Ճարտարապետութեան տոկթոր, Հայկական ճարտարապետութիւնն ուսումնասիրող հիմնադրամի հիմնադիր Արմեն Հախնազարեանը ծնած է Մայիսի  5-ին 1941 թ․ Թեհրանի մէջ ։

Ագուլիսցի լեզուաբան, տոկթոր Հովհաննէս Հախնազարեանի որդին է։

1959 թուականին աւարտեր է Թեհրանի Քուշեշ-Դաւթեան դպրոցը, 1969 թուականին՝ Աախենի Հռենոս-Վեստֆալիայի բարձրագոյն տեխնիկական դպրոցի ճարտարապետութեան եւ քաղաքացիական ճարտարագիտութեան ֆակուլտետի ճարտարապետութեան բաժինը, իսկ 1973 թ.՝ քաղաքաշինութեան բաժինը՝ որպէս Ճարտարապետութեան տոկթոր (Dr. Ing. Architekt-Planer)։

Ուսումնասիրական գործունէութիւնը սկսած է 1968 թ.՝ չափագրելով Արտազ գաւառի Սուրբ Թադեւոսի վանքը։

1970-ական թթ. իրագործեր է դէպի Արեւմտեան Հայաստան թիւով վեց, իւրաքանչիւրը շուրջ երկամսեայ տեւողութեամբ գիտարշաւներ։

Աւելի ուշ զրկուելով գիտարշաւներուն անձամբ մասնակցելու հնարաւորութիւնէն՝ մինչեւ կեանքի աւարտը շարունակեր է կազմակերպել գիտարշաւներ դէպի Արեւմտեան Հայաստան, Փոքր Հայք եւ Կիլիկիա։

1973 թ. ամուսնացեր է ճարտարապետ Մարկրիթ Պունեմաննի հետ եւ ունեցած է երկու դուստր՝ Թալին եւ Շահրիզ։

1974 թ. Թեհրանի մէջ հիմնադրեր եւ ղեկավարեր է «Մոնիտ» (Monit) ճարտարապետական ընկերութիւնը։

1982 թ. Աախենի մէջ պաշտօնապէս հիմնած է Հայկական ճարտարապետութիւնն ուսումնասիրող հասարակական կազմակերպութիւնը, որը 1996 թ. գրանցուած է ԱՄՆ-ի մէջ, իսկ 1998 թ.՝ Հայաստանի մէջ։

1983 թուականէն երկար տարիներ դասավանդեր է Աախենի համալսարանի քաղաքաշինութեան ֆակուլտետը։

Վախճանած է 2009 թուականի Փետրուարի 1-ին  Աախենի մէջ, իսկ աճիւնափոշին ամփոփուեր է Աախենի եւ Արտաշաւան գիւղի գերեզմանոցին մէջ։