Մարտունի քաղաքին մէջ Մայիսի 9-ին պաշտօնապէս վերաբացուեր է Ատրպէյջանի զինուած ուժերու կողմէ 44-օրեայ պատերազմի ընթացքին հրետակոծուած «Աւագեան արենա» մարզադաշտը: «Արմենփրես»-ի հաղորդմամբ՝ մարզադաշտի վերաբացմանը յաջորդեր է  ֆուտպոլի վետերաններու՝ Մարտունի եւ Ճարտարի թիմերու ընկերական խաղը,որը նուիրուած էր Ապրիլեան եւ 44-օրեայ պատերազմներու նահատակներուն, հայ ժողովուրդի յաղթանակներուն ու անոնք  կերտած հերոսներուն:

Մարտունի շրջվարչակազմի ղեկավար Էտիկ Աւանեսեանի հաղորդմամբ՝ պատերազմի հետեւանքով վնասուած մարզադաշտի վերականգնմանն աջակցեր են «Երազանք» հիմնադրամի համահիմնադիրները։

Յիշեցնենք որ 2019 թուականի Հունիսի 2ին Մարտունի մարզադաշտին մէջ տեղի ունեցած էր Արեւմտեան Հայաստան – Հարաւային Օսեթիա ֆուտպոլային հանդիպումը CONIFA Euro 2019  Artsakh-ի շրջանակներուն։ Այդ մրցաշարին Արեւմտեան Հայաստանի Ֆուտպոլի հաւաքականը դարձաւ Եւրոպայի փոխչեմպիոն։