Արեւմտեան Հայաստանի Երեւանեան  գրասենեակին մէջ տեղի ունեցաւ «Արեւմտեան Հայաստանի Հանրապետութեան դէ յուրէ ճանաչման 101-րդ ամեակը»  խորագիրով գիտաժողովը։ Բացման խօսքով հանդէս եկաւ ԱՀՀ վարչապետ Սեդա Մելիքեանն, ով, ողջունելով գիտաժողովի մասնակիցներուն, յոյս յայտնեց, որ այս միջոցառումը մոտ ապագային կիրականացնեն Մայր հայրենիքի՝ Կարինի մէջ։ Այնուհետեւ ներկայացուց Ռաֆֆի Նազարեանին, ով պիտի աշխատի ԱՀՀ ղեկավարութեան հետ համատեղ,  Արեւմտեան Հայաստանի ազատագրման գաղափարով։

Ծաւալուն ելոյթով հանդէս եկաւ ԱՀՀ նախագահ Արմենակ Աբրահամեանը Արեւմտեան Հայաստանի Դէ յուրէ ճանաչման մասին՝ պատմական անդրադարձ կատարելով 1900 թուականէն սկսուած Արեւմտեան Հայաստանի մէջ տիրող իրավիճակին, այն կարեւոր դեկրետներուն եւ պայմանագիրներուն, որոնք ճակատագրական եղած են հայութեան համար, ինչպէս նաեւ ներկայացուց Սեւրի դաշնագիրի կարեւորութիւնը ստորագրելու պահէն մինչեւ հիմայ, քանի որ ներկայ իրավիճակը թոյլ  կուտայ այն արդիական համարել։ Միջոցառման ընթացքին Արեւմտեան Հայաստանի Հանրապետութեան պատուաւոր քաղաքացիի կոչում ստացան աշխարհահռչակ օպերային երգիչ, թենոր Վաննո Թադեոն եւ երգիչ, երգահան  Արսեն Համպարեանը։

Միջոցառումը ելոյթով եզրափակեց ԱՀՀ ԱԺ պատգամաւոր Ռուզաննա Խաչատրեանը։