Հայաստանի ազգային գրադարանի Անձեռնմխելի գրականութեան բաժինի նախաձեռնութեամբ գրադարանի մեծ ցուցասրահին մէջ բացուեցաւ Շուշիի հայկական տպագրութեանը նուիրուած գրականութեան եւ մամուլի ցուցադրութիւն։

Ներկայացուեցաւ Անձեռնմխելի գրականութեան բաժինի ֆոնդերու մէջ պահուող Շուշիի հրատարակութիւնները։

Անձեռնմխելի գրականութեան բաժինի աշխատակցուհի Արմինէ Մկրտչեանն ըսաւ, որ  կը ցուցադրուի պահոցի փոքր մաս մը՝ 100 անուն գիրք եւ վեց պարբերական՝ լրագիր եւ ամսագիր: «Ցուցահանդէսի նպատակն է ներկայացնել հանրութեանը Շուշիի մէջ գործած տպարաններն ու այդ տպարաններուն մէջ հրատարակուած գրականութիւնը,ինչը եւս մէկ անգամ կը փաստէ, որ Շուշին յատկապէս 19-րդ դարի հզոր քաղաք եղած է՝ հարուստ մշակութային, հոգեւոր արժէքներով: Արցախցին միայն հերոսական ոգով աչքի չի ընկել, այլեւ հոգեւոր կեանքի, գիրի ու գրականութեան նկատմամբ զգացուած սիրով, կրթալուսաւորչական եւ հրատարակչական գործունէութեամբ»,-շեշտեց Մկրտչեանը: