Freedom House-ը խորապէս մտահոգուած է «վերջին զինուած հակամարտութեան արդիւնքին Ատրպէյջանի կողմէ գերեվարուած եւ ձերբակալուած հայերու նկատմամբ անմարդկային վերաբերմունքի եւ բռնութեան, ինչպէս նաեւ` խոշտանգումներու մասին ստացուած հաղորդագրութիւններով»։ Այս մասին յայտարարեր է միջազգային հեղինակաւոր իրաւապաշտպան կազմակերպութեան Եւրոպայի եւ Եւրասիայի ծրագիրներու տնօրեն Մարկ Պեհրենդտը:

Ի պատասխան Ատրպէյջանի կողմէ ձերբակալուած հայ ռազմագերիներու եւ քաղաքացիական անձերու նկատմամբ բռնութեան դէպքերու մասին հաղորդագրութիւններ տարածած յայտարարութեան մէջ Freedom House-ն Ատրպէյջանի իշխանութիւններուն կը հորդորէ «սերտօրէն աջակցիլ Մարդու իրաւունքներու եւրոպական դատարանի ջանքերուն` հետաքննելու հայ ձերբակալուածներու նկատմամբ անմարդկային վերաբերմունքի վերաբերեալ հաղորդումներու վավերականութիւնը»: 

«Հայ ձերբակալուածները ատրպէյջանական գերութեան ժամանակ ենթարկուեր են բռնութիւններու ու նուաստացնող վերաբերմունքի՝ համաձայն սոցիալական ցանցերու մէջտարածուող հաղորդագրութիւններուն, որոնք նախնական ստուգուեր են Human Rights Watch-ի կողմէ մարտին», –  կ՛ըսուի հաղորդագրութեան մէջ։