ՀՀ մարդու իրաւունքներու պաշտպանը պատասխաներ է Ատրպէյջանի ԱԳ նախարարի յայտարարութիւններուն: Այս մասին տեղեկացած են ՄԻՊ ֆեյսբուքեան էջէն:

«2021 թուականի Մայիսի 11-ին Ատրպէյջանի արտաքին գործերու նախարարը յայտարարած է. «Անցեալ տարուայ Նոյեմբեր ամսուայ վերջին Հայաստանի զինծառայողներու՝ Ատրպէյջանի տարածք անօրինական ներթափանցելու, Դեկտեմբեր ամսուայ ատրպէյջանցի զինուորականներ զոհուելու ու վիրաւորուելու հետ կապուած միջադէպերը Ատրպէյջանի դէմ իրականացուած ռազմական յանցագործութիւն են։ Ատրպէյջանի յատուկ ծառայութեան մարմիններու իրականացուցած գործողութիւններու արդիւնքին սադրիչ-դիվերսիոն գործողութիւն իրականացուած հայ զինծառայողներէն մի քանին ոչնչացուեր են, մի քանին՝ ձերբակալուեր։ Ներկայիս անոնց հետ կապուած քննչական գործողութիւնները կը շարունակուին»:

Հաշուի առնելով, որ հարցը կը վերաբերուի հայ գերիներու իրաւունքներուն, ՀՀ մարդու իրաւունքներու պաշտպանն կարձանագրէ, որ Ատրպէյջանի արտաքին գործերու նախարարի նշուած պնդումները կոպտօրէն կը ոտնահարեն միջազգային մարդասիրական իրաւունքը, այդ թիւին՝ մարդու իրաւունքները:

Իրականութիւնն այն է, որ անոնք իրաւական կարգավիճակով գերի են եւ պէտք է ազատ արձակուին անհապաղ:

Գերիներու ազատ արձակման հարցի բացարձակ հրատապութիւնը պէտք է դիտարկել նաեւ Ատրպէյջանի իշխանութեան մարմիններու հայատեացութեան ու թշնամանքի քաղաքականութեան համաթեքստին։