Ամերիկայի Միացեալ Նահանգներու Ներկայացուցիչներու պալատի Հետախուզութեան յանձնաժողովի նախագահ Ատամ Շիֆը Սիւնիքի մարզ ատրպէյջանական ուժերու ներխուժման կապակցութեամբ դիմած է ԱՄՆ նախագահ Ջո Պայտենի վարչակազմին։

«Ես խորապէս մտահոգուած եմ վերջին հաղորդագրութիւններով, որ ատրպէյջանական զօրքերը, ինչպէս հաղորդուած է, անցեր են Հայաստանի տարածք: Եթէ ճիշտ է, այս եւս մէկ վտանգաւոր եւ սադրիչ գործողութիւն է, որը կարող է հանգեցնել յետագայ կեանքի կորուստի: Ժամանակն է Միացեալ Նահանգներու համար գիտակցելու, որ մեր քաղաքականութիւնը քաջալերած է Ատրպէյջանի նախագահ Իլհամ Ալիեւին գնալ ռազմական սրման՝ վտանգելով նոր պատերազմով», – news.am-ի փոխանցմամբ՝ գրած է ԱՄՆ կոնգրեսականը ֆեյսբուքեան իր էջին։

Շիֆը նշած է, որ պէտք չէ ռազմական ֆինանսաւորում տրամադրել Ատրպէյջանին, որը «սովորաբար կը ներգրաւէ մարդու իրաւունքներու խախտումներուն ու կը ոտնահարէ իր հարեւաններու ինքնիշխանութիւնը»։

«Ես հաղորդակցութեան մէջ եղած եմ Պայտենի վարչակազմի հետ եւ հորդորած անոնց աւելի խորը ներգրաւել Մինսքի խումբի միջոցով, այժմ աւելի առարկայական, քան երբեւէ: Ըստ հաղորդագրութիւններու՝ Ատրպէյջանն այդ գործողութիւնները կը ձեռնարկէ օրեր ետք, երբ Պետական քարտուղարութիւնը չարդարացուած կերպով հրաժարուեցաւ  Ատրպէյջանին ուղղակի օգնութիւն տրամադրելու։ Մենք պէտք չէ ռազմական ֆինանսաւորում տրամադրենք ազգի մը, որը սովորաբար կը ներգրաւէ մարդու իրաւունքներու խախտումներն ու կը ոտնահարէ իր հարեւաններու ինքնիշխանութիւնը», – գրած է ան: