ԱՄՆ Սենատի արտաքին յարաբերութիւններու յանձնաժողովի նախագահ Պոպ Մենենտեսը յայտարարութիւն տարածեր է Ատրպէյջանի  կողմէ Հայաստանի Սիւնիքի մարզ անօրինական ներխուժման հաղորդագրութիւններու կապակցութեամբ:

«Ատրպէյջանական զօրքի կողմէ Հայաստանի սուվերեն տարածքի խախտումը վտանգաւոր եւ անօրինական ագրեսիայի գործողութիւն է, որն կընդգծէ մշտական սպառնալիքը, որուն հայ ժողովուրդը կը շարունակէ առնչուիլ: ԱՄՆ-ի մէջ Հայաստանի դեսպանի հետ զրոյցէն ետք պարզ դարձաւ, որ ԱՄՆ-ն եւ միջազգային հանրութիւնը պէտք է շատ խիստ արձագանքէ այս ներխուժմանը, որպէսզի Ատրպէյջանը գիտակցի, որ իր չարամիտ գործողութիւնները լուրջ հետեւանքներ կունենան: Երբ անցած տարի Ատրպէյջանը յարձակուեցաւ հայ ժողովուրդի վրայ, ԱՄՆ նախկին վարչակազմը չի կարողացաւ միջամտել եւ բաց թողեց դուռերը, որպէսզի բռնապէտները՝ Ալիեւը, Էրդողանն ու Բութինը, որոշեն հայ ժողովուրդի ճակատագիրը»,- «Արմենփրես»-ի փոխանցմամբ՝  կ՛ըսուի յայտարարութեան մէջ:

«Այդ չի կարող եւս կրկնուիլ: Ես Պայտենի վարչակազմին կոչ կուղեմ ամենաբարձր մակարդակով զբաղուիլ այս հարցով եւ հստակ յայտարարել, որ Ատրպէջանը պէտք է յարգէ Հայաստանի սուվերենութիւնը եւ որ յետագայ սպառնալիքներն ու ագրեսիան պարզապէս անընդունելի են»,- նշած է Մենենտեսը: