Գանատացի սենատոր Լեո Հուսակոսը վտանգաւոր ու ագրեսիվ  որակեր է Ատրպէյջանի գործողութիւնները Հայաստանի սահմանին: «Արմենփրես»-ի հաղորդմամբ, սենատորը «Թուիթեր»-ի իր միկրոպլոկին մէջ նշած է, որ ժողովրդավարական երկիրները պէտք է Հայաստանի կողքին ըլլան:

«Ատրպէյջանի զօրքերու կողմէ Հայաստանի ինքնիշխան տարածքի խախտումը վտանգաւոր եւ ապօրինի ագրեսիվ գործողութիւն է, որն կընդգծէ չի դադարող սպառնալիքը, որուն կը շարունակէ առերեսուիլ Հայաստանի ժողովուրդը»,-նշած է սենատորը:  

Մայիսի 12-էն Ատրպէյջանի զինուած ուժերու զինծառայողներու որոշ խումբեր հատեր են Հայաստանի պետական սահմանը եւ Սեւ լիճը պարփակելուն ուղղուած գործողութիւններ կատարած:

Հայաստանի զինուած ուժերը մարտավարական բնոյթի հակագործողութիւններ  իրականացուցեր են: Հարակից որոշ տարածքներուն մէջ դիրքաւորուած ատրպէյջանցիները հայկական զինուժի մարտավարական հակագործողութիւններու արդիւնքին հեռացեր են զբաղեցուցած բնագիծերէն: Ոչ Հայաստանի, ոչ Ատրպէյջանի զինուժի ներկայացուցիչներու կողմէ այս պահի դրութեամբ հրազենի կամ այլ զինատեսակի կիրառմամբ դէպք չէ գրանցուած:

Ատրպէյջանական զինուժի շուրջ 250 ներկայացուցիչներ կը շարունակեն գտնուիլ ՀՀ պետական սահմաններէն ներս՝ Սիւնիքի եւ Գեղարքունիքի մարզերու որոշ հատուածներուն: